荷甲聯終於曲終人散，喺度先戥阿爾克馬爾唔抵，就算成為全季荷甲「紅盤王」，最後1周都要送咗個聯賽錦標畀燕豪芬，慘！睇勻各路聯賽盤王，幾乎上周嘅贏盤率全部下降，得番雷丁、樸茨茅夫同國際米蘭上升緊，今周就向呢3隊其一埋手。
副選兵份量夠
雷丁周六迎戰已降班嘅屈福特，單W同「主勝」太熱，穩但冇肉食。不如轉吼意甲紅盤王國際米蘭，佢哋係就係攞咗聯賽冠軍，我諗好多球迷都認為國米冇晒爭勝意慾。今周國米仲有史坦高域停賽，韋拉、森美爾、伊巴謙莫域同基斯普又養緊傷，根本冇支持理由。
但係畢傑就係貪佢哋攞咗冠軍同傷兵多，令到個W水位偏高，咁先至值博。下周日國米作客要力爭護級嘅尾2墨西拿，肯定大把人吼主W。但係墨西拿已距離安全線，得番4輪畀佢哋追，其實我諗墨西拿已打定輸數。國米「副選」假假地都有阿祖安奴、費高同甘比亞素壓陣，個客W有1.6倍，我反而會博囉。文：畢傑
今周財星：國際米蘭
推介
主客和：星期日34
國際米蘭勝（1.6倍）