周末英超升班馬對碰，雷丁主場對屈福特。雖然兩軍今季齊齊喺英冠升上嚟，但來到季尾，命運迥異，雷丁唔使打護級戰，免做「升降機」之餘，仲有得同愛華頓、保頓及樸茨茅夫等爭下歐協盃參賽資格；相反屈福特就真係得一季貨仔，來季又要降番落去英冠，戰意有別，捧「主勝」，波膽吼主隊贏夠3:1。
斯肯索普攞威贏得
英甲冠軍落實由斯肯索普奪得，今周末進行嘅最後一輪秩序；斯肯索普主場鬥第8位嘅卡素爾，進行所謂嘅「例行公事」；卡素爾嗰邊亦冇希望爭到個升班附加賽資格，今仗唯一目標只係望喺斯肯索普呢支聯賽冠軍隊身上攞威，但主隊亦要答謝主場球迷，點會畀你卡素爾得逞？國際米蘭上個禮拜咪照樣喺主場贏波慶奪標，今仗照捧斯軍贏波可也。
法甲冠軍派咗彩，里昂繼續超班奪標；榜尾形勢就仲有啲亂局，第17位嘅尼斯，雖然領先降班區第18位嘅特魯瓦3分，喺現時仲有4輪聯賽秩序未進行嘅情況下，尼斯跌番落去都唔出奇。今周尼斯作客鬥冇乜搶分目標嘅南錫，但作客波對尼斯嚟講，識搶分但唔識贏，可以博呢場各一言和。 文：華度
波膽過關3串7
星期六12 雷丁勝3:1 10倍
星期六24 斯肯索普勝2:0 7.5倍
星期六36 南錫和1:1 6倍
全中賠率 653.5倍