「唔好搵我同軒歷拿臣、白賴仁勞特仁比較啦！」蘇超些路廸中場中村俊輔（圖），日前攞埋蘇格蘭足球先生，連同球員先生獎項，可算係今季蘇超嘅星中之星；然而，中村同前輩中田英壽性格南轅北轍，甚少於娛樂圈曝光，亦係謙謙君子，佢雖然榮膺雙料足球先生，但始終唔認同傳媒拎佢同前蘇超巨星相比。我求大俠話：孺子可教也！