張可頤年前因病，休息咗一段長時間，噚日佢接受商台電話訪問，話之前拍劇集《長恨歌》（圖）嗰陣已有抑鬱，但當時佢唔知係因為個角色問題定係自己情緒不穩，直至後來睇醫生先知自己甲狀腺有事，所以決定休息。可頤又話今個月10號會出席活動同fans見面，但問到亞視有冇搵佢傾過檔，可頤就話一切尚在洽談中，暫時未能公布。