我求大俠浪蕩江湖多年，幫理不幫親，曼聯喺歐聯4強被out，起初都戥佢哋缺少里奧費廸南而輸波有啲唔抵，但「紅魔」呢次真係輸波輸品；話說AC米蘭卡卡喺比賽末段抽筋倒地，隊友將個波踢出界，點知轉頭朗尼竟然求勝心切，唔理體育精神而將界外球掟畀自己友照攻。英國人自視為風度紳士，球場上卻冇嚟禮貌，認真抵鬧！