成龍在電影中經常扮演正氣凜然的警察，現實中其子房祖名卻未有奉公守法，他前晚駕車因超速而被警察截停抄牌，其間祖名友人發現記者拍照時，竟落車爆粗發難，連車內的祖名也大感無奈。
房祖名早前疑衰花心，導致緋聞女友薛凱琪（Fiona）改投方大同懷抱，更高調一對一睇愛情片示威。未知是否受Fiona轉軚影響心情，前晚祖名駕車出外時，未有為意道路時速限制而超速。
警察：冷靜啲
前晚7時45分左右，戴上鴨舌帽的祖名駕駛其三菱戰車途經跑馬地黃泥涌道近馬會位置時，因為超過道路時速50公里限制而被影快相，遭警方設置路障截停抄牌。記者見狀上前拍照採訪，跟祖名同車的男子竟落車衝向記者發難，上前兇神惡煞地連環爆粗說：「唔好×影，影乜×嘢！叫咗你哋唔好×影！」
該男子又以手遮擋記者相機鏡頭，妨礙新聞採訪，記者遂向在場警察投訴，警察向該男子說：「冷靜啲，大家都係做嘢啫。」沒料到該男子突然大聲叫祖名逃離現場說：「你走先啦！」嚇得正被抄牌的祖名目瞪口呆，警察則向該男子說：「佢（指祖名）係司機，唔走得。」
踩行油離開
記者上前問祖名其同行友人何以如此暴躁時，祖名連忙為友人賠個不是說：「對唔住，我都知你哋做嘢啫，對唔住。」記者問他開快車是否趕着約會Fiona時，祖名說：「唔係。」抄牌後，祖名極速開車離去，完全無懼再被抄牌之險。
採訪、攝影：娛樂突發組
