滙豐銀行近年積極擴充財富管理業務，打有錢人主意，聽日仲專登搞壇卓越理財慶祝典禮，介紹集團環球卓越理財服務嘅最新情況，為咗隆重其事兼配合主題，請嚟國際著名影星張曼玉做嘉賓。
張曼玉同梁朝偉一齊拍過唔少戲，都令到影迷印象難忘，係好多戲迷心目中嘅一對璧人；而滙豐執董王冬勝有銀行界梁朝偉稱號，唔知到時係咪會做番場精采演出畀大家睇呢？呢個又係咪滙豐嘅精心安排呢？
上個禮拜五滙豐有個慈善基金教練培訓計劃啓動儀式，原本係由王冬勝做主持，但佢老兄後尾因事而改由同事頂上。華華就諗，佢唔出席嘅原因，係咪想做定綵排同梳番個偉仔髮型，準備聽日畀大家一個驚喜呢？
[email protected]