人行出招，再調高銀行準備金率都未能冷卻A股狂熱，好彩，仲有大陸散戶識得居安思危，好似網友山月就喺《A股論壇》提出5點大市爆破徵兆。
股票行人迫人
1、交易大堂人迫人，股票行門口冇地方停車。股票行放工，招呼大客嘅VIP房出現趕人現象。接待處小姐、清潔工人、小販都走去交易大堂炒股，甚至出現救護人員去交易大堂搶救高血壓病人。
2、銀行股票專櫃出現排長龍，為咗提前碌卡交易，出現打架場面。
3、高官太太都炒股。
4、有錢人將車同物業拎去抵押，借錢炒股；部份商人停業，公務員喺辦公室睇股價圖。
5、成交明顯增加，A股每日交投可能高達4000億元以上。
不過咁，根據股壇前輩話齋，仲有散戶識得驚股災將至，即係大陸個市仲未冧，好彩！
http://bbs.stock.163.com/agu/1017148 ,82.html