去伊朗，突然多了很多朋友！同事A：「小心被人綁架！」攝記B：「小心返唔到香港！」編輯C：「太危險就唔去！」朋友D：「有冇請保鑣呀？」連十年見一次的親戚都說：「要通知定中國領事館！」原來，大家對伊朗都抱有「去到返唔到嚟」的觀感，但我仍要去，不是自信心爆棚，而是阿媽早於5年前已去過旅行，幾年來日講夜講見聞錄，還將相片放在家中當眼處，我只是抱着「唔抵得」、「人有我有」的心態去一轉！
申請記者，的確煩，足足七個月；但入境過關，卻快過日本，只是問一句住喺邊就大踏步入境，沒有搜身，沒有查九代！
覺得伊朗危險，絕大部份都是受新聞，或者美國發放的新聞所影響；到達德克蘭，地方清潔，見外國人是面帶笑容，說聲：「Howareyou？」你喺香港見鬼佬都冇兩句啦！的確，伊朗對我來說就是這樣深不可測，文化歷史所知不多；同樣地，伊朗人對外國的接觸也不多，所以當我在富有歐洲特色的GolestanPalace遇見一群小學生時，他們竟向我索取簽名，突然被人圍，卻有明星出巡的感覺！危險，NoWay！
記者：梁佩芬
攝影：陳盛臣
鳴謝：伊朗領事館（香港）