房祖名與薛凱琪中間夾了個方大同，最近又加多一個王秀琳，混亂又精采。大前晚方大同與薛凱琪相約睇戲被記者撞個正着，前晚房祖名出席腕錶活動時，暗認與薛凱琪的親密關係，指不介意公開女友，但指薛凱琪是偶像派，會較他介意，更透露曾與女友的父母吃過飯。
房祖名與薛凱琪（Fiona）的緋聞最近又再度炒熱，早前祖名開派對醉攬王秀琳，余文樂出席Fiona音樂會與對方合唱時在台上又說「首歌係代祖名唱」，大前晚Fiona相約同公司歌手方大同到金鐘看戲，被記者撞個正着，方大同更做出V字勝利手勢，此舉擺明是向花心祖名進行還擊。
「佢唔會講大話」
前晚祖名在中環出席腕錶品牌U-Boat開幕活動，記者告之他Fiona與方大同相約看戲一事，他即緊張追問：「佢哋有冇拖手？」對於他早前醉攬王秀琳，Fiona曾指對他信任，他聞言說：「Fiona係個獅子座嘅女仔，佢唔會講大話，方大同亦都唔係一個講大話嘅人，我都百分百信任Fiona。」對於與王秀琳在派對中表現親熱，祖名說：「我同佢係同一間公司嘅。」
再問到Fiona與方大同睇戲，似是對他作出還擊？祖名說：「咁都叫還擊？我同Fiona係朋友，佢同方大同嘅緋聞都傳咗好耐，真定假係唔同公司嘅做法啫。」
偶像戀情怕公開
祖名再似假還真地透露他與Fiona的親密關係，他說：「如果拍拖一事要公開我冇所謂，不過公開前一定會問過女友係咪同意先囉。」那他估Fiona會否同意公開？他說：「我估佢係偶像派，會驚驚哋，我自己就冇所謂。」他並透露見過Fiona的父母，更一起吃過飯，他說：「Fiona媽咪係教師嚟，我打算畀我投資嘅薄荷糖畀auntie，等佢拎番學校幫我做吓宣傳。」
此外，LisaS.及MikkiYao前晚任嘉賓模特兒，卻豁免不用穿比堅尼泳衣，與品牌設計師合照時，因高矮懸殊，兩人更向設計師大送波餅，事後Mikki直認送波餅一事，她說：「我諗佢（即設計師）都真係食得幾開心。」
採訪：GeneNg
攝影：ChanChiLam
