萬眾期待《蜘蛛俠3》終於喺尋日開畫，個個睇完中晒蜘蛛毒！可惜想扮英雄係買唔到蜘蛛衫嘅。最近英倫名牌Acupuncture就出咗以佢為主題嘅別注版Sneakers，只限香港發售；當中部份更是慈善限量版，全球僅有100對，收益仲會捐到龍傳基金，腳踏蜘蛛做善事，仲唔蜘蛛俠上身！
記者：葉雪芯
攝影：伍慶泉、周旭文
喪玩紅藍黑蜘蛛色
別注版Sneakers
Spiderman3別注版Sneakers共有14款，而慈善限量版則有10款，全由Acupuncture設計主腦NikosNicholaou親自操刀。套戲咁紅，設計Spiderman3為主題的Sneakers，當然同其他鞋唔同，鞋身除了用紅藍兩種蜘蛛俠的專用顏色作為主調外，今集《蜘蛛俠3》多咗隻終極奸角黑蜘蛛毒魔Venom，喺套戲裏面勁搶鏡。雖然佢勁邪惡，但好有型，所以好多人都特別鍾意呢個角色；呢批Spiderman3別注版Sneakers都用了不少以佢為題材的鞋款，黑白MonoTone會比較多，甚至係全黑，襯番個暗黑邪熱潮。
Acupuncture向來玩得夠大膽，唔少得七彩Colour例如撞紅、綠、黃。在鞋身和鞋跟位置均加上蜘蛛標記；值得一提的是鞋底設計，分別有毒魔Venom同蜘蛛俠兩種顏色造型選擇，仲罕有地選用透明鞋底，觀感極立體，名副其實踩住蜘蛛俠！
DetailsCheck
矜貴物料 配獨立編號
慈善限量版Sneakers
系列中的10款Spiderman3慈善限量版Sneakers就比普通別注版更加矜貴得多，鞋款特別用咗唔同質料，例如鱷魚皮、蛇皮、漆皮，潮得嚟又夠貴氣，部份仲貼上閃石，而且Nikos仲玩咗佢最叻嘅雷射、電繡等嘅技術融入呢個系列中，咁多款Sneakers中，佢都可算係工序最複雜的一款！
每款限量版SpidermanSneaker全球限售10對，每對腳踭位均印上獨一無二的編號。話明係限量，仲要係慈善版，要擁有就梗係要畀多少少誠意，呢10款即共100對嘅慈善限量版Sneakers，由4月27日至7月2日，只限於Yahoo!Auction拍賣，所有收益將全數撥捐「龍傳基金」，買唔買到就睇你出價有幾高，不過做善事又想學蜘蛛俠咁仗義幫人做英雄就唔計得咁多，Bid中嗰對分分鐘成為熱炒鞋王之一㖭，點計都唔會蝕啦！
全部網上拍賣
名人心水BestBuy！
官恩娜
未睇Spiderman3，聽聞今次係最後一集，令呢批鞋好有珍藏價值；我比較鍾意呢對白色漆皮，因為夠易襯衫。
慈善限量版白色漆皮
EO2
我哋十幾歲就開始鍾意睇Spiderman，簡直係忠實Fans，佢出Product我哋第一時間撐；特別呢對橙色勁Sharp，而且我最鍾意蜘蛛俠放絲時嘅動作，所以揀咗呢款。
別注版橙藍色蜘蛛俠放絲圖案$1,388
Acupuncture設計主腦Nikos
我都係第一次將Acupuncture嘅「A」Logo變成透明，估唔到效果幾好；飛天蜘蛛俠圖案好突出，我特別鍾意呢款，係我得意之作！
別注版紅鞋底黑鞋頭飛天蜘蛛俠圖案$1,388
Acupuncture
地址：旺角朗豪坊B121-23號舖
查詢：35144198
「貴」氣限量銀戒指
JAP工房
導演講到明呢集係最後一集蜘蛛俠電影，大堆蜘蛛俠產品即刻嗱嗱聲出籠，食住尾水賺一筆。
不過講到有質素，就一定係日本JAP工房推出嘅蜘蛛俠銀器首飾。JAP工房專注設計製作搖滾Hardcore風格服飾及純銀首飾，後來開始專注為日本「特攝片」設計及訂做服裝道具，更為VisualRock樂隊「聖飢魔II」、「LunaSea」等設計演唱會舞台及服裝，打響名堂。
90年代正式開始銀器製作，並獲授權為多個漫畫、電影系列設計生產銀器首飾；今次《蜘蛛俠》銀器系列戒指，全部以925純銀打造。每件銀器均附有證書及編號，證明為限量作品，而當中最吸引的固然是將在《蜘蛛俠3》電影中現身、被視為蜘蛛俠最強敵人的Venom鈍銀戒指，造型複雜兼極具氣勢，將Venom嘅邪氣show到最盡。
1001OriginalInc.
地址：尖沙嘴柯士甸路19-23號太古貿易大廈地下B舖
查詢：23753036