花旗銀行噚日展開「Client1st」活動，諗住進一步改善顧客服務質素，穩守財富管理三強之位。今次活動特點之一，就係其中67個高層，會由今個月至12月，短短8個月內（即係245日），主動接觸5000名客人，了解吓客戶，同埋佢哋對花旗嘅評價佢哋差不多一日見20個客。
花旗首席營運總監盧韋柏，都係67名幸運兒之一，佢主動爆料話，嚟緊每個月，至少要約5個客食晏，無論彈定讚，都要照單全收。
佢話，公司每年都有類似活動，但今次規模應該係最大，仲係由電腦隨機抽出客戶，就算唔使面對面見客，都要同佢傾傾電話，親身了解客人對公司嘅睇法。
無論係花旗嘅信用卡、貸款、存戶定或投資客，都有機會同高層對話，盧韋柏已經有兩手準備：客人投訴，就盡量了解同解決問題；不合理要求，要直接表示恕難從命。
[email protected]