碧咸呢兩周傷癒復出，即刻有助攻幫皇馬連贏兩場，不過呢位曾經俾球會雪藏嘅球星，由於已累積10面黃牌，下周日聯賽迎戰西維爾嘅大戰要停賽。但日前皇馬已向足總上訴，話上場對畢爾包碧咸攞黃牌，係因為對手耶斯廸阻住佢開罰球，唔係刻意拖延時間，𠵱家希望打甩張牌唔使停。碧咸之前遭投閒置散，估唔到𠵱家咁被睇重喎！