最近睇新聞，知道政府打算修訂《僱傭條例》，以後員工要離職的時候，佣金將會納入假期薪酬一同計算，換言之，公司「大屠殺」成本上升了，主要是些採用佣金制出糧的行業，例如保險、電訊跟地產代理。
只不過，根據我的經驗，打從最初制訂員工的佣金比例，以至計算每月佣金支付的後勤動作，基本上是公司最絕頂煩厭的工序，未計要安排人手抽樣審核，追蹤有無魚目混珠的假單。一旦發現假單，既要立即跟進出事客仔，又要處理犯規員工，一個不好彩，員工已經離職，認真多事麻煩。
僱主不儍 隨時唔支底薪
思哲的基本看法是，將佣金納入假期薪酬計，本意是好，但僱主不是儍仔，以後請人簽約，索性完全唔支底薪，採用自僱合約形式，完全貫徹多勞多得，適者生存的精神。
自然，本事的人荷包繼續腫脹，但能力較差，自信較低的員工，很可能長期處於真正的「最低工資」，甚至連應徵的膽量都無，繼而加入失業大軍。結果是好心做壞事，幫佢變成害佢，咁又何苦呢？
案內人隨筆網誌： http://wanszezit.wordpress.com/
電郵：[email protected]