金融市場人才競爭激烈，賓架真係唔憂冇跳槽機會，好似星展銀行董事總經理兼環球市場部大中華區主管Water張宗永咁，據華華了解，佢做埋呢個禮拜就會同星展拜拜，過檔蘇格蘭皇家銀行（RBS)，擔任亞洲區司庫。
其實蘇格蘭皇家銀行，同Water𠵱家嘅老闆，即星展銀行副主席Frank（黃鋼城），都算有啲淵源，皆因Frank加盟星展前，曾做過國民西敏銀行香港分行行政總裁，到咗2000年，國民西敏就俾蘇格蘭皇家併購咗。
00年加盟星展嘅Water，喺呢個集團已經服務咗7年，佢老哥03年1月由獅城調派嚟香港，睇晒大中華區環球金融市場同債券融資，屬財資市場嘅老行尊，唔知佢跳槽後，邊個會係佢嘅接班人呢？
[email protected]