法甲榜尾球隊南特形勢嚴峻，門將巴夫斯早兩日竟然帶埋仔女離開球會，去向未明。主席盧斯隆話巴夫斯出走原因，係由於上周六主場0:2負雷恩後，離開球場時座駕被5名醉酒球迷襲擊，光頭佬仲落車同其中一人打交㖭！我求大俠覺得，35歲嘅巴夫斯既然決定為南特出山，就應該的起心肝踢好波，家陣粒聲唔出就走，好冇職業道德。