路亞成半年冇為樸茨茅夫入波，佢球會失意，返到國家隊就生猛晒。話說佢上周六踢完對利物浦場波後，即刻飛返老家剛果民主共和國，喺前日非國外鬥埃塞俄比亞上陣。由於時間好趕，據報佢喺開波前幾個鐘至到，基本上冇乜準備，但仍然有好表現，下半場射入12碼，助球隊贏2:0。「老樸」當然希望佢踢球會比賽都咁勁啦！