前日賓菲加迎戰士砵亭場葡超聯，客軍由拉廸臣先開紀錄，主隊其後由米高利快射扳平，各一言和。呢個戰果可以話兩敗俱傷，益咗早一日輸波嘅波圖。家陣波圖仲領先士砵亭3分、領先賓菲加4分。呢場「賓士戰」，其實上半場幾多埋門，但下半場落大雨，影響兩軍組織攻勢，節奏慢晒而分唔到勝負。睇嚟連個天都幫埋波圖喎！