早前觀塘IVE舉辦了一個NDS瑪利奧賽車慈善大賽，本來是校園內的事，但宣傳海報被人放到討論區上，而海報上涉嫌玩老翻的字句，被網民用紅線圈起來，指摘現今香港大專生，將老翻問題合理化。
記者：陸俊雄、葉雪芯
比賽立規露尾巴
據海報上字眼的賽例第四項「禁用口術及ActionReplay（金手指）」，以及注意事項內「參賽隊員必須自備NDS及已經安裝《瑪利奧賽車》遊戲」！須知NDS的遊戲基本不需任何安裝，只要一插、開機即玩！何解要「已經安裝」卻不說「必須自備正版遊戲盒帶」？事實上這個遊戲，不論用正版或老翻，同樣可以進行連線活動。所以睇落更有「玩正版嘅唔該行開」這意思。
學生機迷 公然違法很平常
比賽當日記者到現場睇過，連主辦單位的工作人員在內，約有30多人出席活動。每位手持NDS的參賽者，都係以R4玩老翻。搞手之一Helen話：「我哋冇話只准玩老翻的同學才能參加，但今日出席的基本上都玩老翻。其實這情況在香港好普遍，我自己同身邊的朋友都係玩老翻。」
Helen亦解釋：「我們會到國內探訪有需要的居民，籌錢是幫助大陸蓮山一帶的小朋友，因為留意到好多人鍾意玩瑪利奧賽車，於是就想出用這方法籌款。」為了幫助更多有需要的人，一班搞手出於一片善心，本來無可厚非，但連老師都意識唔到學生用錯方法，學生亦覺得玩老翻問題不大，這就有點兒那個了。
乜嘢係R4？
R4其實係類似一個MicroSD的Adapter，只要將網上Download遊戲抄落記憶卡，再透過R4做轉介，老翻遊戲就可以在NDS的Slot-1插槽直接進行遊戲。由於R4內建引導功能，即代表不用靠任何引導卡或更新遊戲軟件，就能直接玩老翻；據Game場Sales稱，R4是現時不法機迷玩老翻的首選工具！
