夾公仔機多年前引入香港後風靡不少年輕人，有人更夾公仔成癮。網友八仔巴打算到日本旅遊，啓程前請教網友暢遊日本之道，他最關心的不是哪些名勝古蹟最好玩，而是哪裏的夾公仔機又多又易夾，誓要夾個痛快，滿載而歸。
「想問吓新宿係咪比池袋多好多夾公仔機呢？其實我鍾意住池袋多啲，但朋友話新宿多好多夾公仔機。」八仔巴是夾公仔癡，到日本其中一個目的竟是征服東洋夾公仔機，「夜晚食完飯無嘢做，都可以去夾吓。」
網友Wololo稱，剛自東京旅遊返港，新宿與池袋都有大量夾公仔機，他個人認為池袋的夾公仔機成功率較高，網友豬肉亁也有同感，「新宿嗰啲機個鉗好多都無力，好難夾實，池袋嗰啲好鬼易夾。」Ivy半信半疑，「係真唔係呀？實不相瞞，我其實係一個夾公仔迷，如果易夾啲，就可以慳番啲錢。」
放公仔「做手腳」
網友狗六零零零透露日本的夾公仔機真的有「古怪」，「好容易㗎，只要睇啱邊個公仔，同工作人員做個手勢，佢就會將個公仔放在機口，就好易夾出來，所以一定有收穫。」小彭在網誌上證實這說法，「我喺日本夾公仔機舖頭，見到個店員打開部機放好個公仔，之後個女仔一夾就得。」