記得細個放學返屋企，最開心就係邊食茶點邊睇卡通，不過以前就冇咁多花臣，不外乎都係餅亁麵包牛奶，有時都食到有啲厭㗎，其他零食媽咪又話冇益。𠵱家唔同嘞，想有新意可以試吓整和菓子畀囝囝囡囡食，又靚又有益。咪睇呢啲小吃外形精緻，以為好難做，其實做起嚟一啲都唔複雜；今日各位媽咪就學吓整冰凍和菓子，呢個夏天小朋友有新款點心食啦！
記者：林佩婷
攝影：陳陶鈞
雪糕玄米冰茶
需時：15分鐘
價錢：$20/1人
材料：玄米茶葉5克、滾水180毫升、呍呢拿雪糕1球、炒熟玄米粒少許、冰塊2/3杯
做法：玄米茶加滾水泡約10分鐘，倒入有冰塊的杯裏，放雪糕球在杯面，最後撒上熟玄米粒。
橙寒天
需時：2小時30分鐘
價錢：$40/4人
材料：鮮橙4個、日本大菜粉4克、砂糖30克、熱水少許
做法：橙對半切開，1個挖出橙肉切片，餘下3個橙的橙肉榨成橙汁，所有橙皮留用。大菜粉加入熱水攪勻至透明，加砂糖拌勻，再落橙汁攪勻成寒天溶液，倒入橙皮至8成滿。待涼後放上橙肉，蓋上保鮮紙，放入雪櫃約2小時。
貼士：可因應橙的甜味調校砂糖份量。
枝豆餡白玉
需時：30分鐘
價錢：$40/2人
白玉糰材料：白玉粉100克、水95毫升
白玉糰做法：白玉粉/水混合搓成粉糰，然後分成8等份，放入滾水煮至浮起，撈出攤涼。
枝豆茸材料：枝豆150克、砂糖20克、水/鹽少許
枝豆茸做法：枝豆剝出豆去外皮後煲25分鐘，壓成茸；枝豆茸/砂糖拌勻，慢火加熱後加水/鹽拌勻。白玉糰/枝豆茸同上碟便成。
蕨餅
需時：30分鐘
價錢：$60/4人
材料：蕨粉60克、水400毫升、砂糖45克、黃豆粉15克
做法：蕨粉/砂糖混合，加水邊煮邊攪至半透明及漿糊狀。用淺盤平均倒入一層黃豆粉，倒入攪好的溶液，拌勻後分成小塊，均勻沾上黃豆粉便可。
貼士：若嫌黃豆粉有苦味，可加砂糖外，也可以青豆粉、黑豆粉或可可粉調味。
水羊羮
需時：2小時30分鐘
價錢：$40/4人
材料：豆沙餡150克、水250毫升、大菜粉2克、葛粉8克、砂糖25克、鹽少許
做法：大菜粉/水倒入小鍋，以小火煮至大菜粉溶化，然後加入豆沙餡/砂糖備用。葛粉加2湯匙水倒入鍋中，一邊攪勻一邊加鹽。最後倒入模具，蓋上保鮮紙入雪櫃冷凍2小時。
小貼士
代替材料
有些和菓子的材料較特別，未必買到，可以其他材料代替：
原本材料 代替品
白玉粉 糯米粉
葛粉 馬蹄粉
蕨餅粉 番薯粉/生粉
綿砂糖 砂糖
糖膠 麥芽糖
冷藏前先包保鮮紙
半成品放雪櫃前，都要以保鮮紙包好或蓋好，尤其是奶類製品，這樣才不會吸入其他食物的味道。另外，放於雪櫃下層便可，不必放入冰格。
