李彩華（Rain）、谷祖琳、董敏莉、曾國祥及黃浩然，昨日在柴灣為電影《單身部落》拍攝宣傳海報，現場有吹氣男公仔阿John及兩個浴缸做道具，阿Rain企入浴缸時失平衡，險些仆倒，嚇得花容失色，董敏莉就十分豪放地解開吹氣公仔褲鏈影相。
「睇醫生學挑情」
董敏莉跟吹氣公仔有很多對手戲，她不忌諱說：「佢係部戲嘅男主角，好多場戲要摸佢個私處，個公仔唔啱比例，嗰度特別長，但都好有真男人feel。導演又叫我睇醫學書，學點同男人挑情，我學識咗好多嘢。」
《單身部落》以性為題材，阿Rain表示拍攝時難免會感到尷尬，加上導演還要求三女大談催情技巧話題，阿Rain說：「我都冇同小谷傾呢方面話題，雖然大家好好傾，但係好深入話題始終會有啲尷尬。」至於小谷在戲中有場與黃浩然的床上戲，側身全裸出鏡，小谷說：「劇情需要我可以接受，同黃浩然又好熟，都冇尷尬。」
採訪：魯萍
攝影：陳慧安
