有調查報告指出，香港約有12%至15%人口有經常性失眠問題；壓力、焦慮、抑鬱、過度興奮都會影響睡眠質素，甚至導致失眠。食安眠藥？當然唔係最好嘅辦法啦！其實想有覺好瞓，不妨多吃新鮮肉類、香蕉和飲牛奶，因為這些食物含豐富色氨酸，有助人體製造抗壓及調節情緒的血清素，讓人心情放鬆，減緩大腦之神經活動，自然較易入睡。
記者：趙珮倩
攝影：陳偉強
示範：逸東軒（27101093）
行政總廚譚棟
鹿角菇炒牛仔骨
需時：10分鐘
價錢：$25/2人
材料：雞髀菇4両、牛仔骨6両、紅/青椒粒/葱段適量、雞湯1杯、蠔油1茶匙、糖1/2茶匙、美極鮮醬油/雞粉各少許
做法：1.先將雞髀菇去皮切成棋子形汆水，以雞湯/蠔油/糖煨腍備用。
2.牛仔骨以糖/雞粉/美極鮮醬油略醃煎至金黃。
3.雞髀菇回鑊，下紅/青椒粒/葱段兜勻上碟。
脆皮奶皇香蕉卷
需時：30分鐘
價錢：$10/4人
材料：香蕉1隻、春卷皮4塊、雞蛋1隻、砂糖2茶匙、麵粉2両、奶粉/吉士粉各1両、煉奶1/2湯匙、水100毫升
做法：先將雞蛋/砂糖/麵粉/奶粉/吉士粉/煉奶/水攪勻至滑身，然後蒸15分鐘成奶皇，攤涼備用；每塊春卷皮包入1/4隻香蕉及適量奶皇，慢火炸4至5分鐘即成。
一口金錢雞
需時：15分鐘
價錢：$15/3人
材料：瘦/肥豬肉各2両、雞膶1件、糖/雞粉/鹽各1/2茶匙、蜜糖適量
做法：雞膶洗淨，與瘦/肥豬肉一同切薄片、以糖/雞粉/鹽醃5分鐘；以2片雞膶夾入瘦/肥豬肉各1片，放入燒烤慢火烤3至5分鐘，最後掃上一層蜜糖即成。
知多啲：肝臟含多種維他命B元素，有助舒緩精神緊張。
蜜餞煙鴨胸
需時：15分鐘
價錢：$10/2人
材料：新鮮鴨胸1件、糖1茶匙、生粉少許、豉油1湯匙、蜜糖適量
做法：鴨胸以糖/豉油/生粉醃10分鐘，放烤爐以慢火烤5至6分鐘至金黃熟透，切片後掃上一層蜜糖即可。
干煸味菜土豆絲
需時：30分鐘
價錢：$12/2人
材料：薯仔1個、味菜2両、砂糖1/2茶匙、豬肉碎1両、紅椒粒適量、唐芹5錢、蠔油1茶匙、雞粉/生粉少許
做法：薯仔去皮切粗絲汆水，瀝亁備用；唐芹切幼條備用；味菜以凍水浸10分鐘，瀝亁切絲，下白鑊，加入砂糖炒至亁身備用；豬肉碎/生粉撈勻，下少許油炒熟，薯仔/味菜回鑊，加入蠔油/雞粉，最後下唐芹/紅椒粒兜勻即可。
知多啲：薯仔含豐富維他命B6，為製造血清的重要元素，有助安睡。
想瞓好覺咪飲酒
咖啡、奶茶等含咖啡因當然會阻礙睡眠，因為會增加壓力荷爾蒙，加速心跳。不過，以為飲酒有助入睡就錯嘞！酒精會影響腦部神經，令人感到興奮或焦慮，有研究發現酒精亦會縮短深睡期的時間，嚴重影響睡眠質素，所以要瞓就咪飲酒喇！