蒙嘉慧（YoYo）和鄭伊健被拍得同居親密照，鄭伊健昨日到觀塘出席活動，被追問同居一事時，他大感不滿說：「唔使我答，睇雜誌就得，成日都係咁，我就要轉行做熊貓同管理員嘞，大家都係起居飲食俾人影，佢哋係有牌爛仔，咁影都冇法律可言。」至於問到YoYo是否已見家長，伊健即晦氣說：「相都見到啦，仲問，我唔答。」
YoYo：好過份
另一方面，YoYo昨日被邀請到黃大仙示範玩「羽毛足球」，就是用羽毛球網玩足球，被問到是否同居，她搖頭否認，之後就笑笑口說：「呢啲報道冇睇過，啲朋友話相嗰個好似我，我仲反問佢哋係唔係我嚟㖭。」記者取笑YoYo下次親熱要關好窗簾，她就說：「影嗰個有問題，好過份。」YoYo強調結婚同居等這些不是事實的新聞，她不會回應，至於會否公開戀情，她說：「雜誌講晒，未結婚就話我生仔，下次我都要作埋自己嘅人生。」
採訪：駱華齡、何永寧
攝影：陳偉權、仇志德