由國際成就計劃香港部主辦，滙豐銀行贊助嘅「學生營商體驗計劃」噚日舉行總決賽，學生行政總裁大獎由瑪利諾修院學校中六生JaneLi奪得，佢可以跟住滙豐亞太區總裁兼行政總裁邵銘高，同總經理兼工商業務環球聯席主管梁高美懿各半日，做其大班影子。 呢班中六學生無論係產品製造、市場推廣、財務管理，都頭頭是道，梁高美懿話，原來係得力於147名義務商界顧問，喺過去八個月每個禮拜抽出幾個鐘頭嚟教路。