近日盛傳將做爸爸的李克勤，前晚出席《勁歌》時談到太太盧淑儀是否有喜，顯得模稜兩可。他出場領獎時被崔建邦恭喜一番，克勤即說：「預產期喺6、7月左右，我講我張碟呀，人哋話出碟好似生BB嘛。」後來記者幾番追問，克勤說：「等我去七仔買條雪條棍（驗孕棒）睇係唔係，我知好多人希望我得，我盡力而為啦，如果check咗係嘅話，我第一個話畀譚詠麟知，你哋問佢啦。」
問克勤是否怕胎兒未滿三個月，公開會小氣？他說：「問阿倫啦，佢鍾意講人哋啲嘢，唔鍾意講自己嘢嘛，總之多謝大家關心啦。」
謝安琪大肚領獎
此外，謝安琪懷孕接近八個月，她前晚挺着大肚到將軍澳電視城領取《勁歌》獎項，由好友王菀之及at17陪伴出場，事後她笑言肚子像車一樣大，又說：「預產期喺7月，我𠵱家身體好好，心情好輕鬆。」謝安琪表示他與張繼聰知道腹中BB性別，不過為保持神秘，暫不公開。
