木村拓哉大前日喺韓國釜山同李秉憲見面，為《律政英雄》電影版舉行記者會。雖然木村所屬嘅尊尼事務所對傳媒諸多要求，但當地傳媒一於懶理事務所禁止上載木村照片嘅規條，噚日又登咗木村同憲哥前日拍片嘅場景照。片中木村為查案走到釜山碼頭，同扮演韓國檢察官嘅憲哥握手見面，女主角松隆子都有在場。木村當日再次穿上佢件劇集招牌啡色羽絨褸上場，會唔會太冇新意呢？