最近有位前輩歌手同關仁投訴，話早排做個老歌騷，話就話群星表演，但出嚟好似群星拱照「大朋」咁。大朋雖然唔係唱家班，但佢同製作人關係密切，所以唔單止霸住唱壓軸，仲要求自己嘅表演時間最長，搞到唱家班好似做陪襯。加上大朋口水多過茶，結果第一晚開騷就超時要罰錢，製作人怕第二晚又超時，惟有cut歌，但竟然cut唱家班嘅表演時間，都唔cut大朋嘅，搞到班唱家班好激氣。 嗰位前輩歌手好勞氣咁同關仁講，既然大朋咁有表演慾，不如下次開個人騷好過，又話以後有大朋，就唔好預佢哋，費事再做陪襯品！ Textby關仁