自去年公告與霍震霆離婚後，朱玲玲今年密密出動，重過快活自由的單身生活。前晚她捐出96年在家鄉緬甸拍的風景照籌款，又大談幼子啓人每年都到當地義務教孤兒英語，有問必答，惟獨被問到前夫即收口入場，看來霍震霆真是她的死穴！
最美麗港姐、現時47歲的朱玲玲，前晚以籌委會成員身份，為中華仁人家園協會慈善晚宴做搞手，成功籌得約495萬，號召力十足。朱玲玲去年在此活動上，除去夫姓，洩露了她已離婚的真相，去年底她終於透過友人公告早在04年已與霍震霆離婚，重過自由快活的單身日子。
感染幼子做善舉
前晚朱玲玲穿上「源」黑色晚裝、佩戴Piaget鑽石錶，名正言順以單身朱小姐身份赴會，大方接受訪問，兒子霍啓剛、霍啓人更悄悄入場為媽咪打氣。朱玲玲捐出一幅名為「Homecoming」緬甸風景照拍賣，她說：「因為96年時仲未用數碼機，所以係用菲林影，再做後期效果。」她解釋照片「回家」的意思，她說：「因為緬甸係我出世嘅地方，我每年會返去一次。」
問朱玲玲有沒有帶小朋友回緬甸？她甜笑說：「佢哋係大朋友喇，我有帶細仔（指啓人）返去，因為仲有啲親戚喺當地。啓人每年暑假會同我返去做義工，條村有間孤兒院，啓人教啲細路講英文，小班就5、6人，大班就50、60人，佢啲朋友都有去。」
忌提前夫霍震霆
朱玲玲愛小孩，問她可會收養兒童？她說：「唔會喇，我太忙。」香港近期掀起大熊貓熱，熱愛攝影的她可有興趣以盈盈樂樂為拍攝對象？朱玲玲說：「我一向係影風景、動物，冇影過熊貓，佢哋𠵱家長時間喺籠入面，睇吓有冇機會啦。」提到母親節，問朱玲玲會否與前夫一齊慶祝？她聞言即避忌地說：「唔好問呢啲啦。」然後轉身入場。此外，郭鶴年媳婦郭由美子也參與拍賣，她將與競投贏家跳舞，她更借女兒畢業禮用的舞衣上陣。
採訪、攝影：RitaLeung
