城大校長張信剛退休在即，前晚有個聚會，一個身穿中東服飾、衣着性感女郎大跳扭腰舞歡送佢，年近六張七嘅張校長都行埋去一齊「un」，全場拍爛手掌。呢位靚女叫楊宜瑄Rochelle，喺紐約大學讀完多媒體碩士，曾經喺台灣藝術大學做講師，擅長跳芭蕾舞，早幾年去中東旅行時迷上當地舞蹈。
張信剛噚日喺港台發表《香港家書》，話11年辛酸換嚟一頭白髮，最開心係爭取到喺九龍塘豪宅區起咗九幢學生宿舍，佢話初到任時做家訪，見到有啲學生屋企細到連電腦都要放喺床下底，所以決心要學生住好啲。城大學生宿舍位置一流，有啲房仲望到維港景㖭。