性取向成疑的蔡一傑，前晚與麥浚龍（Juno）拍攝新歌MV，未知蔡一傑純粹口痕還是真的睇中Juno，他竟面向Juno背脊，然後說：「我要拮Juno！」此舉令全場人士側目，身為當事人的Juno更被嚇得一臉尷尬。
麥浚龍前晚與草蜢在柴灣工業城拍攝《亥時出世》MV，曾與李麗珍傳緋聞的髮型師馬桂燦（JackyMa）為草蜢成員蔡一傑set了一個又尖又高的雞冠頭。當草蜢與Juno靠在一起合照時，被傳斷背的傑仔忽然面向Juno背脊，然後彈出一句：「我要拮Juno！」Juno頓時一臉尷尬，其時傑仔自知講錯說話，隨即補鑊說：「我係想話用頭髮拮佢啫！」
讚Juno對音樂執着
Juno事後接受訪問時說：「草蜢好妖艷，我一直想同佢哋合作，知佢哋今次第一次同男仔合作，好開心。」對於被指妖艷，蔡一智認為只是錯覺，他大讚Juno說：「好鍾意Juno呢個小朋友，佢好勤力，對音樂好有自己一套！」傑仔附和說：「𠵱家好少年輕人對音樂咁執着、有熱誠，Juno音樂上有反叛感覺。」
這首《亥時出世》是Juno大碟中第一首歌，也為這隻概念碟中故事展開序幕，MV中草蜢化身為神父，為整頓充塞妖魔的世界，祈求天降大將，包括天使落入凡間打救世人，結果地動天移後，沒想到卻是魔鬼的誕生。
另外，草蜢三子前晚拍完MV後，一起到中環出席陳冠希擔任代言人的名錶JACOB&Co.活動，並與女模合照。
採訪、攝影：卓美娟