張天愛與夫婿王盛德（前名羅素）回港出席中華仁人家園協會慈善晚宴，王盛德因要拍新片，在北京惡補普通話，遭張天愛嘲笑臨急抱佛腳，但她也錯說成「臨尾抱佛腳」，兩人中文水平一樣麻麻。
夫收女狂迷裸照
美國早前發生的校園槍殺案震驚全球，張天愛慶幸自己與邢李㷧生的女兒邢嘉倩不在當地讀書，她說：「嗰個韓裔學生可能俾人欺壓咗好耐，美國人覺得亞裔尤其中國人唔敢反抗，係忍耐性民族，唔知道亞裔都會發癲。你要畀佢哋知唔可以蝦你，我以前喺美國都擺姿態，好有傲氣，我個女仲惡過我，唔擔心。」她又透露女兒已拍拖，張天愛說：「個男仔好好，好乖，做生意又叻。不過我自己太早結婚，婚姻失敗，所以唔想佢早婚。」
此外，張天愛聲稱夫婿王盛德遭人盜用名字在Myspace開網頁，她說：「收到好多迷戀佢嘅女fans傳相、信件，仲有女仔上載自己嘅裸照㖭！」