公仔箱高層個女「拖肥」，近排搞起嘅不倫戀雖然暫時告一段落，但佢同唱片公司約滿，打算藉住老竇嘅勢力，全面進軍公仔箱。
扮鬼妹惡頂
高層阿爸好偏私，佢近排開套新劇，又再點名搵個女擔正。當日舉行完造型記者會之後，高層阿爸特登同拖肥入化妝間，再大執過個造型，仲搵咗一班髮型化妝師幫手，成班人服侍高層阿爸個小公主，比其他姐仔仲巴閉，班髮型前輩梗係好唔like俾佢兩父女係咁點啦！關仁覺得拖肥演技同樣貌冇樣掂，同佢合作過拍戲嘅演員都覺得佢份人鍾意扮鬼妹同高傲，不過因為佢有個高層阿爸喺背後撐腰，先至敢怒不敢言，睇嚟拖肥再係咁落去，遲早俾人杯葛。
Textby關仁
