會考開鑼，考生心情緊張影響臨場表現，自稱是應屆會考監考員的膠登俠在高登討論區向考生發出四點溫馨提示，希望考生留意，不要為監考員添煩添亂。
膠登俠表示，監考員其中一項最煩的工作，是在開考後點名，抄錄考生編號，偏偏很多考生把准考證對摺兩次再放入膠套，「大佬呀，我想拎份准考證嚟睇個考生編號啫，唔好搞咁多花臣得唔得？」
他又說考試期間可以上廁所，「我見有考生臨完卷前先去，好似係忍咗好耐咁，其實唔使忍㗎，速去速回，返嚟再搏殺仲好啦！」監考員其中一個最無聊嘅工作，他認為是幫考生執拾跌在地上的文具，「你只要舉手，監考員就要幫你哋執文具。」
很多人溫書到考試前一刻，女生可能會預留時間扮靚，「見到唔少女考生化到個妝好濃嚟應考，𠵱家只係去會考唔係去選美，將化妝嘅時間用嚟瞓多陣仲好啦，精神充足人都自然靚啲。」考生雲頭溏也有補充溫馨提示給考生，「我都想畀個提示女考生，你哋啲高踭鞋聲好煩呀，咯咯聲以為好型，其實好煩，今日嗰啲女考生話要早走，又話要去廁所，勁想除咗佢對鞋，考試啫，唔使着短裙高踭鞋啩！」