《蜘蛛俠3》將在後日公映，前晚看過首映的觀眾都有不俗的反應，連楊愛瑾（Miki）和傅穎（Theresa）也被這位美國英雄迷到。
Miki
好正好睇之餘難得有笑位，結尾綠魔個仔改邪歸正死嗰幕好感人，我睇到有啲眼濕濕。
Theresa
我好少睇首映，今次都係慕名而來，之前都係睇咗一集，如果有第四集一定會捧場。
梁小姐
打鬥場面好好睇，前段比較精采，後段有少少悶場。感情線比預期多咗啲，不過可以接受。我三集都有睇，覺得最好係第二集，其次就係呢一集，我畀76分。
陳小姐
有睇前兩集，所以好鍾意蜘蛛俠個角色。有感情線當然好，但都係想有多啲動作場面，都係第二集好啲，冇拖到呢集咁成兩個幾鐘咁長，我畀80分。
