陳豪和廖碧兒一對緋聞男女，昨日在沙田馬場沙圈行手錶騷，大會刻意安排兩人分開出場。不過，兩人完騷後齊齊做訪問，陳豪仍然怕醜到面紅耳赤，更尷尬自白，指因現場靚女多，再加上見到廖碧兒又低胸亮相，因而面紅紅。
廖碧兒昨日與緋聞男友陳豪到沙田馬場，為愛彼錶女皇盃行手錶騷，一對緋聞男女同台，卻各自出場，壓軸時，陳豪拖其他模特兒同行，反而廖碧兒要單獨出場，沒有情侶檔演出。
早有默契
兩人事後一起接受訪問，廖碧兒大方讚陳豪說：「佢表現好淡定，我哋都有默契。」相反陳豪卻非常尷尬，滿面通紅，問他為何沒有以情侶檔行騷，他說：「唔知喎，係大會安排，咁多model，要有出場次序。」
記者取笑陳豪面紅，他自辯說：「唔係，你唔覺得我曬到紅紅哋好好睇咩？」之後又說：「今日咁多靚女行騷，此其一啦。」問到廖碧兒低胸上陣有沒有關係？陳豪說：「咁當然有啦。」
舞動北京
此外，廖碧兒前晚以Nike廣告女郎身份，在北京航空航天大學，出席「2007NikeRockStarWorkout-Dancehall千人共舞派對」，她在健身教練帶領下，與台下1,000名北京女士齊跳充滿加勒比風情的Dancehall舞。廖碧兒穿上小背心及運動裝，不時大聲為台下打氣，跳到香汗淋漓，更跳足兩小時，勁力十足。
採訪：吳天慧
攝影：陳順禎
