日本女星土屋Anna前日以一身和服打扮現身，為中俄青少年交流活動擔任宣傳大使。擁有俄羅斯血統嘅土屋話自己最鍾意飲俄羅斯出產嘅伏特加，每次飲醉酒時，仲會俾人讚佢酒醉前嘅5分鐘係最可愛。此言一出，記者即刻留意到佢左手無名指上戴住戒指，土屋自從上年中同模特兒前夫JOSHUA離婚之後，咁耐都未遇到第二春。土屋叫記者咪亂諗，仲話如果有新男友，一定會通知記者。