AC米蘭喺歐聯表現唔差都輸畀曼聯，有眼珠嘅球迷都戥佢哋唔抵，今日重返聯賽戰場，只怕教練「肥安」又喺歐聯前「讓半臂」送分，同AC「關係」匪淺嘅拖連奴已諗緊點樣做好場「戲」！
「拖記」一向係AC棄將收容所，好似「鬍鬚佬」廸艾辛廸斯、「獸人」彭卡路、後備龍門泰比都係AC掃出門口嘅落葉；有見及此，AC肯將今季表現肯定較廸達好嘅艾比亞廸借畀「拖記」，就知佢哋晨早拍晒膊頭；加埋足智彩早知有蠱惑唔開「讓球」盤，仲將D調低到2.15倍，你話係咪要買嚟試吓先？
主客和：拖連奴和
心得：唔理真定假，唔執勢係假
阿呢斯奧
同細哨同月同日生，惟彼腳不同此腳；愛恨分明，靠是但噏搵兩餐。