呢期放緊大假，辛苦晒一班《蘋果波經》弟兄姊妹，做埋細佬嗰份；有幾件仲話病咗，咁「潺」㗎！
冇同呢眾戰友見面一排，唔睇佢哋喺呢版寫嘅嘢都唔知，原來你班友仔生活咁精采，個個爭住講電視劇、打機、睇漫畫，哈！咁鬼多時間嘅？唔使睇波做功課？
今日精選重心係德甲比勒費爾德主場對雲達不來梅開「大」，華度唔淨係睇好不來梅攻力，呢場個盤玄機啓示，係主隊必有入波！
比賽假如真係咁「好彩」，有企硬1:1到完場勢，「即場投注」補飛可也。
大細：比勒費爾德大
心得：除咗1:1，冇得輸！
華度
貼士嘅嘢，邊有實贏？睇相佬就話我有運行，冇點你！