JLeague嘅日本球員，形象真係好突出，除咗梳個潮爆髮型，好多仲掹埋眉㖭。若然掹吓啲雜毛等條眉睇落整齊啲，仲可以令人接受，但如果掹到仲幼過啲女人，咁就有啲難頂。聽講掹眉會影響運程，鹿島鹿角前鋒柳澤敦自從將條眉越掹越幼後，就衰足咁耐，早排仲慘到因斷咗足踝而要休息3個月㖭。
好彩我鍾意嗰隊浦和紅鑽，佢哋班日本球員仲未走火入魔，好似田中鬪莉王、小野伸二同鈴木啓太咁，個樣仲係好正常。雖則紅鑽兩場冇贏，但今日作客鹿角平手，梗係要支持吓啦！
讓球：浦和紅鑽（平手）
心得：唔信紅鑽連續3場贏唔到
青蛙仔
型人一名，細細個就睇英國、德國波，大個就攻日本波。