盈盈、樂樂個名得唔得意見仁見智，但點計都唔及「朱古力波」咁得意。咪心邪，我所指係賓菲加臉圓圓嘅前鋒米高利。
米高利出道前係AC米蘭執波仔，最愛食朱古力，後來去生產Baci朱古力嘅佩魯賈發展，絕配！之後佢獲祖記垂青，記得當年我去睇祖記練波，見佢被安排起勢練斬波畀前鋒，大材小用。好在佢喺葡超踢回身價，今晚靠佢贏士砵亭，讓平/半要上盤。
講番擂台，藍鑽石上月最後一日靠運博上榜首，如今要受眾名家孤注一擲嘅追擊。無相干，預咗要還，大不了下個禮拜移去另一格，至少未計呢兩日，本月曾推介8連勝，無丟盟主假，波友應該收貨。
讓球：賓菲加（上盤）
玄機：再追捧班「意大利佬」
藍鑽石
愛意大利波、去意國度蜜月、囡囡與簡拿華路同日生日。