周二晚睇曼聯對AC米蘭，都有幾多笑料，除咗欣賞到艾拉點樣「單擋」，阻截軒斯嘅攔截等卡卡單刀射入第二球之外，最搞笑係全程聽到評述員不斷稱AC米蘭教練做安「策」「略」堤，如果呢個仁兄真係有策略，就唔會放個邦利拿出嚟孭鑊，基拿甸奴全場冇影，都唔一早調恩沙基入嚟啦。
阿士東維拉領隊奧尼爾係小弟比較欣賞嘅英式領隊，雖然進攻就冇咩板斧，不過防守就有啲策略；今仗維拉作客對住全英超主場入波最少嘅曼城，受讓平/半，維拉只要唔失波，就至少執半格，捧得過。
讓球：阿士東維拉（下盤）
心得：曼城主場攻力弱，點讓？
牽牛
精通各種賭法，發覺賭「讓球」先係王道，每日一棍希望有得發。