荷甲3雄今日齊出擊，邊隊捧盃我都冇所謂，最緊要係呢個聯賽幾好玩，自己賭波求開心快感，不望發達，荷甲擅攻不守，小注博吓大比數波膽分分鐘有驚喜，每日平注縮吓縮吓買一、二百元單頭W或讓球盤唔係我風格，自信讀者亦唔會跟買！
今日荷甲常規賽煞科日竟然不設直播，反而蘇超同英冠就有，難明？全城期待同分3雄鬥演入球騷爭霸，估計莊家襟低賠率，亦難阻熱門客向3隊傾注支持，邊有莊家益捧場客咁筍呀，3選1，只取阿積士贏3球以上開「客勝」同補入球大作重心。
大炒威廉二世博封王
由於排名順序榜首阿爾克馬爾（AZ）、阿積士同燕豪芬3隊同分，但前者喺得失球有絕大優勢，即AZ今場作客淨贏精英隊1球，阿積士要喺另一邊作客淨贏威廉二世8球先至可後上封王，機會實在渺茫，更唔好講冇晒後勁嘅3哥嘅燕豪芬。
馬會操盤大員俱為3隊俱開出讓球主客和[-2]，兼入球大細中間數為3.5球，唔容易3關全開上盤加「大」；個人獨取阿積士嘅原因，唔係上個禮拜貼佢哋贏鹿特丹斯巴達波膽「主其他」，結果贏5:2條氣唔順，係因為佢哋後防唔穩陣，除博佢哋完成不可能的任務狂炒對手外，可兼顧一注入球大作保本，波膽單注買有7倍嘅「客其他」波膽足矣。其他兩場決定唔沾手。博多場買日本波，班霸紅鑽計埋上周中亞冠盃已兩不勝，今場作客今非昔比嘅鹿角免讓，博率極高。
吼兵工廠「其他」波膽
至於阿仙奴主場鬥富咸，小弟只會繼續小注博「其他」波膽，亨利曾公開話與恩師雲格共同進退，當紅而不忘本，現今大牌球星能有幾人！
重心出擊
讓球主客和
阿積士勝[-2]
蘋果波神
狂迷英國波，尊崇雲格；成與敗，視乎你是否找到真快樂！