上個禮拜橫濱水手憑山瀨兄弟（功治同幸宏）各入一粒大炒大分三神5:0。講開兄弟兵，JLeague有好多，好似係遠藤彰弘（神戶勝利船）同遠藤保仁（大阪飛腳）、卷誠一郎（千葉市原）同卷佑樹（名古屋八鯨）、佐藤勇人（千葉市原）同佐藤壽人（廣島三箭），以及森崎和幸同浩司（廣島三箭）等等。順帶一提，大宮松鼠嘅後備龍門江角浩司雖則冇兄弟喺JLeague搵食，但佢同喺日劇《庶務二課》飾演惡婆嘅江角真紀子，原來係親戚。
所謂兄弟同心，其利斷金，今日捧橫濱水手，博佢作客贏新潟天鵝。
主客和：橫濱水手勝
心得：兄弟同心，其利斷金
青蛙仔
型人一名，細細個就睇英國、德國波，大個就攻日本波。