周潤發辭演《赤壁》，梁朝偉即使肯演，其型格又似唔似周瑜？最近相關幾宗娛樂消息，再加上中信銀行（998）昨日A+H股於滬、港兩地同步上市所出現的股價升幅差異，令星俠不期然聯想起《三國演義》中的所謂「瑜亮情結」。
中信銀行A股收報11.37元人民幣，較招股價高96%；反觀H股僅收6.69元，只比招股價5.86元高14%而已。別忘記，現時人民幣比港元「矜貴」，同是一間公司的股票，但財富增值效應有極大差距，持有其A股肯定令人感覺好過H股。所謂「瑜亮情結」不但係投資者對A、H股之寵，亦係港、滬兩地股市相爭寫照。投資市場資金追求回報，若其有「思想」，它會如何選擇？坊間所謂香港金融市場長遠危機，星俠認為其實已悄然而近。
洛陽鉬業（3993）爆發力釋放，股價獲基金追捧狂飆至幾近12元收市，不少散戶賺得如癡如醉。只是大市升至目前階段，選股或應向超級大落後股份入手，畢竟抽新股資金相繼解放後，應會向未升之股靠攏，首長國際（697）應有一炒機會。
博破阻力重見1元
「走勢磨人、難炒到暈」係首長國際長期以來予散戶的感覺，故雖見該股踏入4月曾大成交急升至0.67元，但一高追即回落插穿0.6元，走勢蠱惑，但升軌總算已鋪開，可設止蝕位跟炒，料年內高位0.71元始終攻破，博爆升至1元範圍。