自從PRADA手機一月曝光，好多人追問：「究竟幾時出呢？」
唔呃你，先達Sales表示過早於4月初已經有極少量貨賣街，即使$12,800，依然一日間蒸發。
今個禮拜，終於有所謂嘅大貨（聽講成個場都係得幾部）返咗，雖然貨源多咗，但售價一直未冧過，究竟呢部手機有乜攝人魅力呢？
英國貨無中文價高者得
據說首批PRADAPhone來自英國，唔支援中文不特止，仲睇唔到中文SMS，咁點解仲咁多人吼實呢？「咪係名牌效應！黑色Packing盒、一塊LCDCleaner、一個專用手機套，感覺已經好Grand，用開PRADA產品嘅Fans一定非常清楚！」
另一原因係，傳聞首批供VIP客認購嘅行貨PRADAPhone，由於售價勁抵（約$6,200），晨咁早就斷訂，唔少街客擔心連水貨都斷埋，即使炒升兩倍，依然毫無懼色拎多$6,000幾蚊出嚟買心頭好，究竟值唔值得，咁就見仁見智。
另有關PRADAPhone喺香港推出嘅消息及詳情，將於5月3日正式喺發布會上公布，容後繼續為大家報道。
嘜哥（23931300）