藍鑽石近日貼兩場頭條，先係貼阿仙奴作客贏熱刺，點知補時被扳平由贏盤變走盤；到歐聯貼AC米蘭作客曼聯個下盤，又係補時失守，呢鋪仲由贏半格倒輸全部。
既然手風麻麻，今日轉策略唔貼客隊轉吼主隊，望爭歐協盃資格嘅樸茨茅夫迎擊利物浦受讓平/半開下盤，幫我喺本欄推介（第9場）延續全勝。
雖然紅軍呢隊波係儍，難捉路，但富貴險中求，無理由因此畏縮。點計紅軍都要留力踢歐聯，聯賽又有失分空間；反而老樸踢踢吓原來有機會爭下屆歐協盃資格，而前利記門將占士最近上晒身，靠得住。
仲有，教過老樸兩次嘅名宿阿倫波爾啱啱過身，望老樸兵化傷痛為力量，贏埋最好。
讓球：樸茨茅夫（下盤）
心得：老樸有戰意，我鍾意
藍鑽石
愛意大利波、去意國度蜜月、囡囡與簡拿華路同日生日。