最近本港天氣反覆，一時熱到人伸脷，一時又大雨滂沱到地陷，而大部份時間都烏雲密布兼濕濕滯滯，搞到人冇晒心機，連胃口都差埋，究竟食乜嘢至啱呢？呢個時候就最啱食辣椒嘞﹗其實唔同國家種族嘅人都鍾意用辣椒煮餸，貪佢好味又好有用，殺菌、驅寒、去濕，香港一時熱一時凍，更多時係濕𣲷𣲷，所以食辣椒醒醒胃就最啱！
記者：林佩婷
攝影：譚盈傑
微辣：脆炸鱔條
需時：15分鐘
價錢：$40/4人
材料：黃鱔3條、番茄仔6個、生菜/小豆茴/油適量、炒香芝麻少許
醃料：薑汁酒/味椒鹽/味噌各1茶匙、糖1/4茶匙、辣椒粉1/4茶匙、蛋黃1個
麵糊料：炸粉1/2杯、水3/4杯、油1湯匙、芫荽碎2湯匙
做法：黃鱔去潺液後用熱水浸一浸，過冷河後切成3吋長，放入醃料醃5分鐘；麵糊料先攪勻炸粉和水，然後落油，再拌勻加芫荽碎。燒熱油至8成滾，將已沾上麵糊粉的黃鱔炸至亁身上碟，以番茄/生菜/小豆茴伴碟，灑上炒香芝麻。
中辣：宮保鮭魚丁
需時：15分鐘
價錢：$90/4人
材料：三文魚肉300克（切大粒）、花生米80克、大辣椒亁４隻（切段）、紅辣椒2隻（切塊）、蒜頭2粒（切片）、花椒粒1茶匙、青葱1條（切段）、熱水/油/米酒適量
醃料：味椒鹽1/2茶匙、熟油1湯匙、生粉1茶匙
調味：醬油/片糖/生粉各1茶匙、醋/雞粉各1/2茶匙、水4湯匙、麻油少許
做法：三文魚用醃料拌勻後炸至金黃。花生米用熱水浸一浸，去衣瀝亁，放入低溫油中炸至金黃色盛起。燒熱鑊，炒香蒜頭/辣椒亁/紅椒片/花椒粒後灒酒，加入調味煮滾後，放入三文魚/葱段/花生米，炒透上碟便成。
小辣：香芒辣味蝦
需時：15分鐘
價錢：60/4人
材料：芒果3個（起肉切粒留皮）、炸香松子仁1両、蝦仁4両、亁辣椒2隻（切粒）、紅椒1隻（切粒）、蒜頭1粒（切片）、青葱粒1両、米酒/油適量
醃料：鹽1/8茶匙、蛋白1茶匙、生粉1/2茶匙、胡椒粉少許
調味：鹽1/4茶匙、醋/雞粉各1/2茶匙、黃砂糖/生粉各1茶匙、水4湯匙、麻油少許
做法：蝦仁洗淨跟醃料拌勻；炒香蒜片/紅椒/亁辣椒，加入蝦仁，灒酒加調味/松子仁/芒果炒勻，用芒果皮盛載。
中辣：亁煸涼瓜
需時：15分鐘
價錢：$20/4人
材料：涼瓜1/2斤（去瓤切薄片）、豬肉碎2両、蝦米碎1湯匙、榨菜碎1/2湯匙、芹菜粒2湯匙、薑茸/蒜茸各1茶匙、橄欖菜/豆瓣醬/海鮮醬各1/2湯匙、油適量
調味：醬油/蠔油/糖/雞粉各1/2茶匙、上湯1湯匙、麻油少許
做法：涼瓜炸熟後盛起；燒熱2湯匙油爆香薑茸/蒜茸，加入蝦米/榨菜/橄欖菜/豬肉碎/豆瓣醬/海鮮醬，之後倒入涼瓜炒透，下調味煮至汁收亁，最後倒入芹菜粒炒勻上碟。
想點辣法？
以辣椒調味煮餸，相當普遍，其實辣也分很多種，想點辣法，悉隨尊便。
紅辣椒：味辛性熱，具溫中散寒及消食功能。
燈籠椒醬：將甜椒切碎，加熱煮成醬汁，鮮中帶辣。
鮮胡椒粒：新鮮未熟胡椒粒，味甜微辛，泰國香料常用。
豆瓣醬：北方京滬菜常用醬料，多作伴菜醬料。
芥辣粉：用十字花科植物的種籽研碎而成，攻鼻搶味。
紅辣椒亁：紅椒日曬而成，辣味香濃，可貯存很久。
解辣妙法
有時太辣真係好難頂，以下數個方法可以稍微解辣：
木瓜奶：有助舒緩胃部緊張。
白醋麻油：白醋麻油混合再加大量葱絲，作醬汁食，有助舒緩辣度。
日本白酒：吃辣時喝少許日本白酒，可中和辛辣味。
生果做菜：煮辣菜式時，加入解辣水果如芒果或青檸，就不怕辣得難受。
示範：香港廚藝學院有限公司（23360650）
廚藝培訓總監蔡潔儀
參考食譜：《辣得好滋味》蔡潔儀編著
（萬里機構飲食天地出版社）
