早兩日睇開套《夠薑師姐》終於大結局，一如所料真兇係女主角身邊最關係密切嘅下屬；套劇完咗之後再嚟多3集特別篇，而且仲有江口洋介演出。記得第1次睇江口做嘅電視劇已經係十幾年前嘅《同一屋簷下》，以前做「大佬」嘅江口到𠵱家變成「大老」，但man咗好多而且演技依然咁好。
見到江口𠵱家咁樣，不期然令筆者諗起基斯坦奴朗拿度，今季佢喺英超乜獎都攞晒，以前成日俾人話佢「濕手巾成日扭」，到𠵱家成為曼聯「大腦」，作為曼聯迷真係好安慰，所以今晚再撐曼聯作客食拖肥糖。
主客和：曼聯勝
心得：曼聯有運唔怕殘陣
賴恩
筆者崇尚以小博大，敗不傷，勝則笑。乏味雞肋何惜之！