回南天殺到，天氣開始濕濕𣲷𣲷，衣櫃鞋櫃好易被濕氣入侵，搞到啲衫褲鞋襪發霉發臭咁就手尾長！每年到咗呢個時候，一班「吸濕動物」又出籠：吸濕大笨象、除濕雞、吸濕豬……個個都話自己激亁激爽，加上近年又多咗備長炭、活性竹炭等吸濕除臭產品出現，花多眼亂都唔知買邊隻好？所以今日就揀咗14隻不同牌子的吸濕劑來進行測試，睇吓邊個先至係吸濕之王﹗
記者﹕趙珮倩
攝影﹕陳偉強
Model﹕Ada@TheGroup
第1回：吸水量測試
市面上林林總總的用完即棄吸濕器，成份大多以氯化鈣為主，部份會加入活性炭、竹炭，價錢由幾元到廿幾元不等，每次去到超市都十五十六唔知買邊隻好，究竟平嘢有冇好，貴嘢又係咪實好？記者將14個不同牌子的吸濕器擺放在全屋最潮濕的浴室內，測試期為10日，發現在同一溫濕環境下，各吸濕器吸水量表現頗有差異，有啲吸水量明顯，有啲一滴都倒唔出。
吸濕５強
評語：
雖然價錢最貴，但吸水量最為驚人，表現最佳。
評語：
吸水量僅次於大笨象，輸蝕在體形四方較大，略為嘥位。
評語：
含備長炭成份，吸濕力不俗。
評語：
中價之選，表現不俗。
評語：
水份停留於上層氯化鈣表面，未吸至下層儲水格。
水份凝固
14個吸濕器當中，這兩款含活性炭成份的吸濕器亦有明顯吸水表現，不過水份受化學成份影響至凝固成薄片，難以量度吸水量。
其他吸濕器表現
評語：
氯化鈣層明顯濕濕𣲷𣲷，但一滴水都倒唔出。
評語：
吸水量有5毫升都唔錯。平均只係$2.6/個，超級抵用。
評語：
氯化鈣跌了部份至下層儲水格，有少許水滴沾在吸濕器內，但吸濕力唔明顯。
評語：
加咗香珠粒，香就香喇，不過吸濕力麻麻。
評語：
有水滴沾在氯化鈣層，但冇水滴漏至下層。
評語：
氯化鈣層沾了濕氣，但冇明顯水份滴出。
評語：
雖然夠晒平，但最弊吸唔到濕呢﹗
第2回：撞擊測試
靚衫太多逼爆衣櫃，有時唔小心逼埋盒抽濕器出嚟，砰啪一聲，好彩就乜事都冇啫，萬一個盒唔夠堅，就肯定爆到一地水﹗所以一個優質的吸濕器除了吸水力要強之外，仲必須具有堅強外表，抵禦突如其來的撞擊。記者將每個抽濕器逐一從1.2米高放手墮下，結果有五個抽濕器爆裂。
5個爆裂
(以★★★★★為最多)
shoplist：
（a）百佳超市
（b）吉之島超市
（c）實惠家居
（d）日本城
（e）惠康超市